ინექციური ნარკოტიკების მომხმარებლების პოპულაციის ზომის განსაზღვრა საქართველოში

კვლევის ამოცანა იყო 2021 წელს საქართველოში ნიმ-ების პოპულაციის ზომის შეფასება.

ინექციური ნარკოტიკის მოხმარება განისაზღვრა, როგორც არასამედიცინო კონტექსტში ნებისმიერი ფსიქოაქტიური ნარკოტიკის ინექცია კუნთში ან ვენაში.

NSU მეთოდი იყენებეს რესპონდენტთა სოციალური ქსელის შესახებ ინფორმაციას ზოგად პოპულაციაში პირთა მახასიათებლების შესახებ დასკვნების გასაკეთებლად (Bernard et al., 2010). კერძოდ, ამ მეთოდს ვიყენებთ პოპულაციაში ნიმ-ების პროპორციის დასასგენად. NSU მეთოდის ფარგლებში, კვლევის რესპონდენტებს ვეკითხებით მათი ნაცნობების სტიგმატიზირებული ქცევების შესახებ. ჩვენი მოლოდინი იყო, რომ ეს მიდგომა სტიგმატიზირებულ ქცევასთან, კონკრეტულ შემთხვევაში ნარკოტიკების ინექციურ მოხმარებასთან, დაკავშირებულ პასუხებში ცდომილებას მნიშვნელოვნად შეამცირებდა, ისეთ სცენართან შედარებით, როცა რესპონდენტებს ამ ტიპის ქცევის შესახებ პირდაპირ ვეკითხებით (Feehan et al., 2016).