ნარკოტიკების საინფორმაციო სისტემის 2022-2025 წლების ეროვნული სამოქმედო გეგმა

ნარკოვითარების საინფორმაციო სისტემა წარმოადგენს ქვეყანაში არსებული ნარკოვითარების მონიტორინგის კომპლექსურ ინსტრუმენტს. ნარკოვითარების მონიტორინგი თანამედროვე ნარკოპოლიტიკისგანუყოფელი და არსებითი ნაწილია. იგი უზრუნველყოფს ნარკოვითარების შესახებფაქტობრივი, ობიექტური, სარწმუნო და შედარებითი ინფორმაციის შეგროვებას სახელმწიფო და საერთაშორისო დონეზე და აღწერს ნარკოვითარებას ჰოლისტური მიდგომით.  ევროპის დონეზე, სისტემას კოორდინაციას უწევს ევროკავშირის სააგენტო, ევროპის ნარკოტიკებისა და წამალდამოკიდებულების მონიტორინგის ცენტრი (EMCDDA).

საინფორმაციო სისტემის მიზანია მონაცემების შეგროვება, ანალიზი, სინთეზი და ინტერპრეტირება, აგრეთვე, ინფორმაციის გავრცელება ეროვნულ და საერთაშორისო დონეზე. გამოყენებული მეთოდებისა და კონცეფციების თავლსაზრისით, საინფორმაციო სისტემა უნდა დაეყრდნოს მონაცემთა შეგროვების საერთაშორისო სტანდარტებს, განსაკუთრებით ნარკოტიკების ხუთ ძირითად ეპიდემიოლოგიურ ინდიკატორს (5 KIs)1, რომელიც შემუშავებულია EMCDDA-ს მიერ. ასევე, საინფორმაციო სისტემამ უნდა გამოიყენოს და გააერთიანოს სხვადასხვა მეთოდები და მონაცემთა წყაროები, რომლებიც ხელმისაწვდომია აღნიშნულ სფეროში მოქმედი ყველა დაწესებულებისა და პარტნიორის მხრიდან.