შეხვედრა ,,ახალ ვექტორში“

16 ნოემბერს ორგანიზაცია „ახალ ვექტორს“ სამუშაო ვიზიტით ყაზახეთის სამთავრობო დელეგაცია ესტუმრა. საიტ ვიზიტში მონაწილეობა მიიღეს  ყაზახეთის ფსიქიკური ჯანმრთელობის რესპუბლიკური სამეცნიერო პრაქტიკული ცენტრის, ასტანას აივ პრევენციის ცენტრისა და  სხვა სამთავრობო და არასამთვრობო ორგანიზაციების წარმომადგენლებმა. შეხვედრა დაავადებათა კონტროლისა და საზოგადოებრივი ჯანმრთელობის ეროვნული ცენტრის (NCDC) ის მხარდაჭერით გაიმართა.

საიტ ვიზიტის მონაწილეებს მიეცათ საშუალება საკუთარი თვალით ეხილად და მიეღოთ იმ სერვისების შესახებ ინფორმაცია, რომელიც ორგანიზაციაში ხორციელდება. 

ზიანის შემცირების საქართველოს ქსელის პროგრამის დირექტორმა, მაკა გოგიამ შეხვედრაზე   ზიანის შემცირების პროგრამების მიმდინარეობისა  და გამოწვევების შესახებ პრეზენტაცია წარმოადგინა. ,,ახალი ვექტორის’’ წარმომადგენლებმა სტუმრებს ზიანის შემცირების არსებული სერვისები და გამოწვევები გააცნეს.

სტუმრების ინტერესი გამოიწვია სწორედ კომპლექსური სერვისების, მათ შორის C ჰეპატიტის მკურნალობისა და დიაგნოსტირების ერთი ფანჯრის პრინციპით მიწოდებამ, რაც აძლევს ბენეფიციარს შესაძლებლობას მიიღოს ზიანის შემცირების სერვისები, ჩაიტაროს ტესტრირება კონსულტირება აივ/შიდსზე, B და C ჰეპატიტებზე, სიფილისზე, მიიღოს სხვადსხვა სახის სამედიცინო და ფსიქოლოგიურ კონსულტაციები, ისევე  როგორც იმკურნალოს C ჰეპატიტზე. შეხვედრაზე განიხილეს ისეთი მნიშვნელოვანი საკითხები, როგორიცაა ნარკოპოლიტიკა საქართველოში, ნარკოსცენა, ჩანაცვლებითი თერაპიის პროგრამებში არსებული პრობლემები,  ელიმინაციის პროგრამის შედეგები და სხვა.  

და ბოლოს საინტერესო დისკუსია გაიმართა, რომელიც გულისხმობდა ურთიერთანამშრომლობის შესაძლებლობას და საინტერესო პრაქტიკის გაზიარებას.