დრაგ ჩექინგი - "Back of the house"

დრაგების ტესტირებითვის არსებობს ბევრი სხვადასხვა მოდელი, მიდგომა და მეთოდი, თუმცა ჩვენი ფილოსოფია უცვლელია: ზიანის შემცირება, ზედოზირებისა და სიკვდილის თავიდან აცილება და სწორი ინფორმაციის გავრცელება. ამ სტატიაში გვინდა მოკლედ ავხსნათ დრაგ ტესტირების სხვადასხვა მოდელები და მათი დადებითი და უარყოფითი მხარეები. 

"Back of the house" არის დრაგ ტესტირების მოდელი, რომელიც ძირითადად მონიტორინგისთვის გამოიყენება და ზიანის შემცირების პროგრამებს ეხმარება სახიფათო ნივთიერებების შესახებ ინფორმაციის დროულ მიღებასა და რეაგირებაში. ამ მოდელში დრაგების ტესტირებისთვის იყენებენ არა მომხმარებლისგან აღებულ დრაგს, არამედ სხვადასხვა ნიმუშებს, რომლებიც შეაგროვა პოლიციამ, სოციალურმა სამსახურებმა ან სხვა ორგანიზაციებმა. ტესტირების შედეგები შემდეგ არაპირდაპირი გზებით - სოც მედია პოსტების ან ადგილზე არსებული კომუნიკაციის მეთოდების მეშვეობით - მიდის ღონისძიების დამსწრეებამდე. 

 “Back of the house” მოდელს ბევრი დადებითი მხარე აქვს, მათ შორის: იურიდიული შეზღუდვების ნაკლებობა დრაგ ტესტირების ჩატარებისთვის, სხვადასხვა გზებით მიღებული ნიმუშების მრავალფეროვნება და მომხმარებლის სრული ანონიმურობა. ამასთან ერთად, ეს მოდელი დრაგ ბაზრის მონიტორინგისა და ზიანის შემცირების სტრატეგიის შემუშავების ძლიერი იარაღია. 

თუმცა ამ მიდგომას გარკვეული მინუსებიც აქვს, როგორიცაა მომხმარებლებთან პირისპირი კომუნიკაციის არარსებობა და გარკვეულ ჩაკეტილ ჯგუფებამდე მიღწევის გზების არარსებობა.

 "Front of the house", ასევე ცნობილი, როგორც მობილური ან ღონისძიებაზე მომუშავე დრაგ ტესტირების ცენტრი, არის მოდელი, რომელიც მუშაობს იქ, სადაც დიდი რაოდენობით ადამიანი მოიხმარს დრაგებს - ფესტივალებზე, ღონისძიებებზე და კლუბებში. ტესტირება ტარდება უშალოდ ამ ლოკაციებზე და შედეგები მისდით პირდაპირ ბენეფიციარებს. ძირითადად, მსგავსი მოდელით მომუშავე ორგანიზაციის კარავი ან კუთხე გამოსაჩენ ადგილასაა და დამსწრეებს უბიძგებს დრაგების დატესტვისკენ. მიუხედავად იმისა, რომ მსგავს სიტუაციებში მიღებული შედეგები ლაბორატორიული დონის არ არის, ეს სერვისი ძალიან ეფექტურია, განსაკუთრებით მაშინ, როდესაც გამოიყენება დრაგ ტესტირების ერთზე მეტი მეთოდი. 

 ამ მოდელის მთავარი დადებითი მხარეს არის მომხმარებლებთან პირდაპირი კავშირი და იმისი შესაძლებლობა, რომ რაც შეიძლება მეტმა ადამიანმა მიიღოს ინფორმირებული გადაწყვეტილება დრაგებთან მიმართებაში. 

 თუმცა “front of house“ მიდგომის სირთულე მდგომარეობს იმაში, რომ მსგავსი სერვისის ოპერირებისთვის აუცილებელია გარკვეული იურიდიული ნებართვის მოპოვება და სახელმწიფოს მხარდაჭერა. 

 "Fixed site" მოდელის დრაგ ჩექინგი ხდება გარკვეულ ფიქსირებულ ლოკაციაზე, სადაც დრაგები იტესტება ლაბორატორიულ დონეზე. ეს მოდელი ხანდახან გამოიყენება მოძრავ (Front of the house) მიდგომასთან კომბინაციაში: დრაგების ნაწილი იტესტება უშუალოდ ღონისძიებაზე რეაგენტ ტესტერების მეშვეობით, ხოლო გაურკვეველი სუბსტანციები იგზავნება Fixed site ლაბორატორიაში სიღრმისეული ანალიზისთვის. 

 ამ მოდელის ერთ-ერთი დადებითი მხარე არის ის, რომ მომხმარებლებს შეუძლიათ მათ ხელთ არსებული ნივთიერება გარკვეულ ღონისძიებამდე დატესტონ. ამასთან, მსგავსი მიდგომა სხვადასხვა კატეგორიის მომხმარებლებს იზიდავს და აძლევთ მათ ზუსტ ინფორმაციას.

Fixed site მოდელის მთავარი უარყოფითი მხარე არის მისი ოპერირებისთვის აუცილებელი თანხები, ვინაიდან ლაბორატორიული ანალიზი ძვირადღირებულ დანადგარებს საჭიროებს.

 "Postal drug checking" ფიქსირებულ ლოკაციებში ფუნქციონირებს და ტესტავს სუბსტანციებს, რომლებსაც ბენეფიციარები აგზავნიან ფოსტით. შედეგები შემდეგ ეგზავნება ბენეფიციარს ან იპოსტება ონლაინ, ანონიმურობის დასაცავად. 

ამ მეთოდის მთავარი დადებითი ასპექტი არის გეოგრაფიული ბარიერების მოშორება: სუბსტანციით დრაგის დატესტვის სერვისით შეუძლიათ ისარგებლონ ისეთმა მომხმარებლემა, რომლებიც ცხოვრობენ შორს და არ შეუძლიათ დასატესტად ლაბორატორიაში ფიზიკურად მისვლა. 

 თუმცა რთულია მსგავსი სისტემის სწორი რეგულირება, ვინაიდან არალეგალური სუბსტანციების ფოსტით ტრანსპორტირება ბევრ რისკთანაა დაკავშირებული.

წყარო: სათემო ორგანიზაცია "მანდალა"

https://www.facebook.com/photo?fbid=247470281273914&set=a.194907776530165