ნარკოტიკების ტესტირების სერვისებისთვის სახელმძღვანელო
ევროპის ნარკოტიკებისა და წამალდამოკიდებულების მონიტორინგის ცენტრმა (EMCDDA) ახალი სახელმძღვანელოს გამოსცა - ჯანმრთელობის რისკის კომუნიკაცია ნარკოტიკების ტესტირების სერვისებისთვის. ნაშრომში, როგორც ინდივიდუალურ, ისე საზოგადოებრივ დონეზეა მოცემული ნარკოტიკებთან დაკავშირებული რისკების შესახებ ინფორმაცია.
ნარკოტიკების ტესტირების სერვისები ხელმისაწვდომია ევროკავშირის 11 წევრ ქვეყანაში, შვეიცარიაში, დიდ ბრიტანეთში და სხვა. აქ მომხმარებლებს ნარკოტიკების შესახებ სასიცოცხლოდ მნიშვნელოვან ინფორმაციას აწვდიან (ქიმიურ ანალიზზე დაყრდნობით) დახმარებას უწევენ, აძლევენ რჩევებს, კონსულტაციას და სხვა სერვისებზე მიმართვას სთავაზობენ.
ჯანმრთელობის რისკის კომუნიკაცია გულისხმობს ინფორმაციის, მოსაზრებების და რეკომენდებული ქმედებების გაცვლას ინდივიდებს, ჯგუფებსა და ინსტიტუტებს შორის ჯანმრთელობისა და კეთილდღეობის საფრთხეების ბუნების, მასშტაბების, მნიშვნელობის ან კონტროლის შესახებ.
ნარკოტიკების ტესტირების სერვისი ახორციელებს ჯანმრთელობის რისკის კომუნიკაციის გარკვეულ ფორმას თავის საქმიანობაში, ხშირად ნარკოტიკების უსაფრთხოების გაფრთხილებების ან დაინტერესებულ მხარეებთან მონაცემთა გაზიარების გზით. ერთ-ერთი მთავარი გამოწვევა, რომელსაც ისინი აწყდებიან, არის, თუ როგორ სწორად მიაწოდონ ანალიზის შედეგები სერვისის მომხმარებლებს ან ფართო საზოგადოებას და თავიდან აიცილონ გაუთვალისწინებელი შედეგები (მაგ. სამიზნე აუდიტორია ეძებს ძლიერ წამალს).
სახელმძღვანელო ხაზს უსვამს მიდგომების აუცილებლობას, რომელიც „დაფუძნებულია საუკეთესო მტკიცებულებებზე ან ჯანმრთელობის რისკის ეფექტური და უსაფრთხო კომუნიკაციის პრინციპებზე“.
ნარკოტიკების ტესტირების სერვისების როლი ბოლო დროს სულ უფრო აქტუალური ხდება ბაზარზე მზარდი ძლიერი და მრავალფეროვანი ნივთიერებების გამოჩენის გამო.
ამ ანგარიშში წარმოდგენილი ინფორმაცია ხელს შეუწყობს მომავალში ნარკოტიკების შესახებ ჯანმრთელობის რისკის კომუნიკაციაში კონსენსუსისა და სტანდარტების ჩამოყალიბებას.
