7 მაისი - ზიანის შემცირების საერთაშორისო დღე
მკურნალობა დასჯის ნაცვლად
ზიანის შემცირების საერთაშორისო დღესთან დაკავშირებით ლონდონის ჰიგიენისა და ტროპიკული მედიცინის სკოლის ,,The London School of Hygiene & Tropical Medicine“ და ნარკოტიკების მომხმარებელთა საერთაშორისო ქსლის ,,International Network of People who Use Drugs” მიერ გამოცხადდა ონლაინ კურსის - ნარკოტიკების მოხმარება და ზიანის შემცირება . ონლაინ კურსი ხელმისაწვდომია უფასოდ, მიყევით ბმულს და დარეგისტრირდით :
ზიანის შემცირება არის საზოგადოებრივი ჯანდაცვის და სოციალური პროგრამების კომპლექსური მიდგომა, რომ ადამიანს, ვინც ნარკოტიკებს მოიხმარს, შევუმციროთ ამით გამოწვეული ზიანი. ეს იქნება მისთვის სტერილური საინექციო საშუალებების მიწოდებით, რითაც ვამცირებთ ინფექციური დაავადებების გავრცელების რისკს და მეორე, როდესაც ვაწვდით მას ინფორმაციას და ვუქმნით გარემოს, სადაც მას შეუძლია მშვიდ და უსაფრთხო გარემოში მოიხმაროს ნარკოტიკული საშუალება. ამით ვამცირებთ შეუქცევად სიცოცხლისთვის საშიშ დაზიანებებს, როგორიცაა ზედოზირება. ზიანის შემცირების მიზანია მოახდინოს ნარკომომხმარებლებში B და C ჰეპატიტის, ტუბერკულოზის, აივ ვირუსისა და სგგი-ს გავრცელების პრევენცია და ზედოზირებით გამოწვეული სიკვდილიანობის რაოდენობის შემცირება. საზოგადოებრივი ჯანდაცვის პერსპექტივიდანაც ძალიან დიდი მნიშვნელობა აქვს
ნარკოტიკების მოხმარება სულ უფრო ფართოდ განიხილება საზოგადოებრივი ჯანმრთელობისა და ადამიანის უფლებების ჭრილში. მტკიცებულებებზე დაფუძნებული ზიანის შემცირების მიდგომა ეფუძნება მრავალწლიან გლობალურ გამოცდილებას და კვლევებს.
ონლაინ კურსის მეშვეობით თქვენ შეიტყობთ, თუ რა კავშირში აქვს ზიანის შემცირებას ადამიანის უფლებებთან და საზოგადოებრივ ჯანმრთელობასთან. საზოგადოებრივი ჯანდაცვის ღონისძიებები ფოკუსირებულია მოსახლეობის საერთო ჯანმრთელობის გაუმჯობესებაზე, რეგულაციების შეცვლასა და მთავრობის მხარდაჭერის გაფართოებაზე. გაიგებთ თუ რას ნიშნავს მხარდაჭერა დასჯის ნაცვლად, ზიანის შემცირება ნარკომომხმარებელ ადამიანების განიხილავს, როგორც საზოგადოებრივი ჯანმრთელობის განუყოფელ კომპონენტს. თქვენ გაეცნობით საუკეთესო პრაქტიკებს და მაგალითებს, ისწავლით, თუ როგორ წარმართოთ ზიანის შემცირების სერვისების გაფართოებაზე მიმართული ადვოკატირება, როგორ მიაღწიოთ რეალურ შედეგენს ინდივიდუალური და საზოგადოებრივი ჯანდაცვის კუთხით და დაიცვათ ნარკოტიკების მომხმარებელთა უფლებები. ლონდონის ჰიგიენისა და ტროპიკული მედიცინის სკოლა (LSHTM) მსოფლიოში ცნობილი ორგანიზაციაა, რომელიც გლობალურ და საზოგადოებრივ ჯანმრთელობის საკითხებზე მუშაობს, ატარებს კვლევებს და თამანშრომლონს სამეცნიერო და პოლიტიკურ წრეებთან.
7 მაისს სათემო ორგანიზაცია ,,ახალ ვექტორის“ ოფისში ზიანის შემცირების საერთაშორისო დღესთან დაკავშირებით შეხვედრა გაიმართა, რომელსაც სათემო ორგანიზაციების წარმომადგენლები ესწრებოდბებ. შეხვედრაზე ხაზი გაესვა ზიანის შემცირების სტრატეგიის მნიშვნელობას, იმსჯელეს ნარკოპოლიტიკასა და ზიანის შემცირების სერვისების ხელმისაწვდომობაზე, გამოწვევებზე და შესაძლებლობებზე.
