ქართველი ექიმი - ნარკოლოგების ვიზიტი ისრაელში
ქართველი ექიმი ნარკოლოგები სულ უფრო აქტიურად თანამშრომლობენ მსოფლიოს სხვადასხვა ნარკოლოგიურ კლინიკებთან. ამა წლის 2 მაისიდან ქართველი მედიკოსები - ნარკოლოგიური კლინიკა ,,ლიბერტასის" კლინიკური დირექტორის თათა ასათიანის, ფსიქიკური ჯანმრთელობის და ნარკომანიის პრევენციის ცენტრის ნარკოლოგიური სტაციონარული განყოფილების უფროსის ნინო გონგლიაშვილის და ნარკოლოგიური კლინიკა ,,ნეოგენის“ ექიმის თამარ გამყრელიძის შემადგენლობით სამუშაო ვიზიტით ისრაელში, ალკოჰოლიზმისა და ნარკომანიის რეაბილიტაციის ცენტრ ,,ფენიქსში“ იმყოფებიან. ვიზიტის მიზანი რეაბილიტაციური ცენტრების დათვალიერება და გამოცდილების გაზიარებაა.
,,ფენიქსი“ ისრაელის ერთ-ერთი წამყვანი რეაბილიტაციის ცენტრია, რომელიც მრავალი წლის განმვლობაში ნარკოტიკებზე და ალკოჰოლზე დამოკიდებულებას წარმატებით მკურნალობს. თითოეული პაციენტისთვის ცენტრის სპეციალისტებს ინდივიდუალურ მიდგომა გააჩნია - მუშაობის გუნდური პრინციპი, მკურნალობის თანამედროვე მეთოდები, თანამედროვე აპარატურა, მაღალკვალიფიციური სპეციალისტები -ცენტრის წარმატების საწინდარია.
