რეგიონალური დიალოგი ადამიანის უფლებებისთვის

19 მაისს,  10:00-15:00 სთ. ვილნიუსის დროითონ   ონ ლაინ შეხვედრა გაიმართება თემაზე-

,, აღმოსავლეთ ევროპის და ცენტრალური აზიის ქვეყნების (EECA) რეგიონალური დიალოგი იურიდიულ და პარაიურიდიულ სერვისებზე, რათა აღმოიფხვრას სამართლებრივი ბარიერები რისკ ჯგუფების სამედიცინო და სოციალური დახმარების ხელმისაწვდომობისთვის“

აღმოსავლეთ ევროპის და ცენტრალური აზიის  რეგიონი მსოფლიოში  ერთადერთა, სადაც ყოველწლიურად აივ ინფექციის ზრდის  საგანგაშო ტემპი აღინიშნება. სტიგმის, რეპრესიული, დისკრიმინაციული  კანონმდებლობის  გამო მოსახლეობის  ყველაზე დაუცველი ფენა   - ნარკომომხმარებლები, სექსმუშაკები, მსმ-ები - თავს არიდებს ჯანდაცვისა სამსახურებს და ხშირად  სამართალდამცავი ორგანოების ყურადღების ცენტრში ექცევა, სადაც დახმარების ნაცვლად დასჯა და დაპატიმრება ემუქრება. ყველა ეს ფაქტორი აივ ინფექცია/შიდსის ეპიდემიაზე ეფექტურ რეაგირებას აფერხებს -  იწვევს აივ/შიდსის ახალი შემთხვევების და სიკვდილიანობის ზრდას, ხელს უშლის EECA ქვეყნებს  95-95-95 მიზანის მიღწევაში.  ეს ბარიერები ასევე მნიშვნელოვნად მოქმედებს მოსახლეობის რისკ ჯგუფების სოციალური  და  ჯანდაცვის სერვისებზე ხელმისაწვდომობაზე .

ამ სიტუაციის საპასუხოდ, EECA-ს რეგიონის თითქმის ყველა ქვეყანამ დაიწყო პროგრამების განხორციელება, რომელიც მათ  ბარიერების გადალახვაშიხელს შეუწყობს. პარალეგალური მხარდაჭერა ერთ-ერთი ასეთი პროგრამაა, რომელიც მიზნად ისახავს რის ჯგუფების გაძლიერებას-  მიიღონ ინფორმაცია მათი  უფლებების შესახებ, საკუთარი ინტერესების დასაცავად. თუმცა, პარალეგალური მომსახურების  უპირატესობების მიუხედავად - მისი განხორციელება გარკვეული სირთულეებისა და მეთოდოლოგიური პრობლემების წინაშე დგას.  უნდა ავღნიშნოთ, რომ საკმაოდ  დაბალია  ამ კუთხით გამოცდიების გაზიარების დონე, როგორ რეგიონის ქვეყნებს, ასევე სხვადასხვა  თემს შორის. 

შეხვედრის მიზანია იმ გამოცდილების განხილვა და შეჯამება, რომელიც ჩამოყალიბდა EECA-ს რეგიონში იურიდიული სერვისების მიწოდების განხორციელების საფუძველზე,  ასევე მნიშვნელოვანია  გლობალური ფონდის დაფინანსების ახალი რაუნდის წინ საუკეთესო პრაქტიკების წინ წამოწევა, რომელიც  მომავალში ხელს შეუწყობს დასახული მიზნების განხორციელებას. 

ამ შეხვედრას განსაკუთრებული მნიშვნელობა აქვს პოლიტიკური და სამართლებრივი ცვლილებების თვალსაზრისით. რეგიონალური შეხვედრის ფარგლებში  დაინტერესებულ მხარეებს ექნებათ შესაძლებლობა ღიად და მკაცრად ისაუბრონ დარღვევებზე და დაბრკოლებებზე, გააკრიტიკონ მთავრობები და მათი პოლიტიკა, გაასაჯარაონ ცალკეული შემთხვევები  ან სისტემური პრობლემები და დღის წესრიგში დააყენონ საერთაშორისო პროცედურებისთვის. 

შეხვედრაში მონაწილეობის მისაღებად დარეგისტრირდით აქ:

https://us02web.zoom.us/meeting/register/tZEkce2vrDoqGtXwISoDMs8lfE_V93YmL3P_