ევროპის ნარკოტიკებისა და წამალდამოკიდებულების მონიტორინგის ცენტრი საქართველოსთან თანამშრომლობას გააძლიერებს

ევროპის ნარკოტიკებისა და წამალდამოკიდებულების მონიტორინგის ცენტრმა (EMCDDA) ახალი EMCDDA სამუშაო პროგრამა  https://www.emcdda.europa.eu/publications/work-programmes-and-strategies/single-programming-document-2023-2025_en  გამოაქვეყნა, რომელშიც 2023-2025 წლებისთვის განსაზღვრული გეგმებია მიმოხილული. 

აღნიშნული პერიოდის განმავლობაში, კერძოდ კი 2024 წელს EMCDDA ევროკავშირის ნარკოტიკების სააგენტოდ (EUDA) ტრანსფორმირდება. EUDA იქნება სრულიად ახალი ორგანიზაცია გაფართოებული მანდატით და ის აკრძალულ ნარკოტიკულ საშუალებებთან დაკავშირებით ევროკავშირის პოლიტიკას გააძლიერებს. 

EMCDDA-ის თანახმად, ევროპაში ნარკოტიკების პრობლემაზე სულ უფრო დიდ გავლენას ახდენს გლობალურ დონეზე მიმდინარე მოვლენები. ამის გათვალისწინებით,  ევროკავშირის ფარგლებს გარეთ არსებული სიტუაციის მონიტორინგი სულ უფრო მნიშვნელოვანი ხდება. 

შესაბამისად, მიმდინარე წელს სააგენტო აპირებს თანამშრომლობის გაძლიერებას ევროპული სამეზობლოს სახელმწიფოებთან (EU4MD II) https://www.emcdda.europa.eu/news/2023/emcdda-intensifies-its-cooperation-western-balkans-and-european-neighbourhood-policy-area_en განსაკუთრებით, საქართველოსთან (EMCDDA4GE) https://www.emcdda.europa.eu/activities/emcdda4ge_en  და, ასევე, დასავლეთ ბალკანეთის, ლათინური ამერიკის და კარიბის ზღვის აუზის ქვეყნებთან.

დამატებითი ინფორმაცია

https://www.emcdda.europa.eu/news/2023/new-emcdda-work-programme-prepares-agency-significant-changes-ahead_en