EMCDDA-ს 2022 წლის საქმიანობის საერთო ანგარიში გამოქვეყნდა

EMCDDA-ს  საერთო ანგარიში ყოველწლიური პუბლიკაციაა, რომელიც ასახავს ორგანიზაციის საქმიანობას და მიღწევებს მისი პროგრამის თითოეულ სფეროში 12 თვის განმავლობაში. საგენტო ევროპის ქვეყნებში არსებული ნარკოვითარების შესწავლის, შეფასებისა და მტკიცებულებების ანალიზის ხელშეწყობას ემსახურება.                                                   

2022 წელი ევროპის ნარკოტიკებისა და წამალდამოკიდებულების მონიტორინგის ცენტრის EMCDDA-სთვის მნიშვნელოვანი წელი იყო -  ცენტრისთვის, რომელიც  მუდმივად ვითარდება და ყოველთვის  უფრო ინოვაციურ და სწრაფ სერვისების სთავაზობს  მომხმარებლებს.  ამავე წელს დაიწყო EMCDDA-ამ ახალი, უფრო ფართო მანდატის მინიჭებისთვის მოსამზადებელი სამუშაოები.

• საანგარიშო პერიოდში სააგენტომ გააგრძელა პრიორიტეტული, დროული და მაღალი ხარისხის ინფორმაციის მიწოდება პოლიტიკისა და პრაქტიკის ინფორმირებისთვის, გამოაქვეყნა 66 სამეცნიერო და ინსტიტუციური პუბლიკაცია და 16 სტატიის თანაავტორი გახლდათ. სააგენტოს მიერ ორგანიზებულ ტრენინგებსა და ვებინარებს შესაძლებლობების განვითარებაზე  2200-ზე მეტი ნარკოტიკების სფეროს პროფესიონალი დაესწრო.   გარდა ამისა, EMCDDA-ს  თაოსნობით გაიმართა მეოთხე ევროპული კონფერენცია ნარკომანიის ქცევისა და დამოკიდებულების შესახებ,Lisbon Addictions, https://www.lisbonaddictions.eu/lisbon-addictions-2022/,  სადაც  84 ქვეყნიდან 1757  ადამიანი მონაწილეობდა.
• ჯანმრთელობის სფეროში EMCDDA ყურადღება გაამახვილა ნარკოტიკებთან დაკავშირებული საზოგადოებრივი ჯანმრთელობის პრობლემების მოგვარებაზე. ძირითადი პრიორიტეტები მოიცავდა ნარკოტიკებთან დაკავშირებული სიკვდილიანობის შემცირებას, C ჰეპატიტის ტესტირებისა და მკურნალობის ხელშეწყობას ნარკომომხმარებლებში. სააგენტომ გამოუშვა რამდენიმე მინი გიდი, რომელიც მოიცავს ისეთ თემებს, როგორიცაა ნარკოტიკები რეკრეაციულ ადგილებში, ადგილობრივ თემებში, სკოლებსა და ციხეებში.
• უსაფრთხოების სფეროში, EMCDDA მჭიდროდ თანამშრომლობდა ევროპოლთან, რათა მოემზადებინა ,,ევროკავშირის ნარკოტიკების ბაზრის მეოთხე გამოცემა: სიღრმისეული ანალიზი“. EU Drug Markets: In-depth analysis  მან ასევე  მნიშვნელოვანი წვლილი შეიტანა ევროპული მულტიდისციპლინური პლატფორმის კრიმინალური საფრთხეების წინააღმდეგ (EMPACT) სამოქმედო გეგმების შემუშავებაში და სამართალდამცავი ორგანოების პროფესიონალებსთვის ნარკოტიკებთან დაკავშირებული ტრენინგები გამართა
• EMCDDA-მ ინსტიტუციურ და სტრატეგიულ განვითარებაში მნიშვნელოვანი ცვლილებები განახორციელა და დაიწყო ევროკომისიის მიერ შემოთავაზებული ახალი მანდატის მომზადება, რომელსაც 2023 წელს მიღებენ. მან განაგრძო ევროკავშირის ნარკოტიკების სამოქმედო გეგმის 2021–2025 წლების მხარდაჭერა. ასევე ყურადღება გაამახვილდა მომხმარებელზე ორიენტირებულ კომუნიკაციაზე,  ციფრული არხებით დროული პროდუქტებისა და სერვისების მიწოდებაზე. სააგენტოს  ვებსაიტის ვიზიტორებმა  რეკორდულ წლიურ რაოდენობას 2.6 მილიონს მიაღწია, მნიშვნელოვნად გაიზარდა სოციალური მედიაში აქტივობა. 
• EMCDDA-ს აქტივობებში პარტნიორებთან თანამშრომლობამ გადამწყვეტი როლი ითამაშა. სააგენტო მჭიდროდ თანამშრომლობდა Reitox-ის ეროვნულ ცენტრებთან და განაგრძობდა ერთობლივ საქმიანობას ევროკავშირის და საერთაშორისო პარტნიორებთან. მესამე ქვეყნებთან თანამშრომლობა წარმატებით განხორციელდა ევროკავშირის მიერ დაფინანსებული პროექტების IPA7, EU4MD, EMCDDA4GE  COPOLAD III  ფარგლებში.

საერთო ჯამში, 2022 წელს  EMCDDA-ამ  ნარკოტიკების და ნარკომანიის სფეროში  ინფორმაციის, ანალიზისა და სწავლების მიწოდების სფეროში დიდი როლი შეასრულა. ჯანმრთელობაზე, უსაფრთხოებაზე და მომხმარებელზე ორიენტირებულ მიდგომაზე ფოკუსირებით სააგენტომ მნიშვნელოვანი წვლილი შეიტანა ნარკოპოლიტიკასა და პრაქტიკაში ევროპისა და მის ფარგლებს გარეთ.

წყარო: სტატიაში გამოყებებულია EMCDDA- ის ინფორმაცია https://www.emcdda.europa.eu/news/2023/general-report-activities-2022-published-today_en

EMCDDA-ს  2022 წლის საქმიანობის საერთო ანგარიში  

file:///C:/Users/www.leptopi.ge/Downloads/gra2022_mainreport%20(4).pdf