26 ივნისს „მზრუნველობა, დასჯის ნაცვლად“ კამპანია გაიმართა

ყოველწლიურად, 26 ივნისს, 100 - მდე ქვეყანას ათასობით აქტივისტი ერთიანდება ერთი მთავარი მესიჯის გარშემო - მზრუნველობა, დასჯის ნაცვლად! - რათა ხელი შეუწყოს პოლიტიკასა და პრაქტიკას, რომელიც ემყარება სოლიდარობას, ზიანის შემცირებას და ადამიანის უფლებების დაცვას. 2023 წლის გლობალური მოქმედების დღის მიზანი სწორედ ამ რეფორმების დაჩქარებას ემსახურება. ამისათვის, ჩვენ გვჭირდება ერთმანეთი.

26 ივნისის ტრადიციულად ,,ზიანის შემცირების საქართველოს სქელი“   და ,,მომხმარებლები ჰუმანური ნარკოპოლიტიკისთვის“ GeNPUD-ი უერთდება „მზრუნველობა, დასჯის ნაცვლად“(Support Don’t Punish)  საერთაშორისო დღის აღნიშვნას. ამ დღეს მსოფლიოს სხვადსხვა ქალაქში თემის წარმომადგენლები, სათემო და სამოქალაქო საზოგადოების ორგანიზაციები, საზოგადოება გამოხატავს სოლიდარობას ქვეყნებში ადამიანის უფლებებზე დაფუძნებული ჰუმანური ნარკოპოლიტიკის მხარდასაჭერად და აპროტესტებს ძალადობაზე დაფუძნებულ ნარკოპოლიტიკას.

ჩვენი სახელმწიფო ისევ აგრძელებს დასჯაზე ორიენტირებული ნარკოპოლიტიკის გამყარებას. ბოლო დროს  განხორციელებულმა საკანონმდებლო ცვლილებებმა ვერ შეცვალა საერთო სურათი. დღეს ნარკოპოლიტიკის თემას, პოლიტიკურ ჭრილში, დაკარგული აქვს აქტუალობა- სახელმწიფოს არ აქვს ხედვა ნარკომანიასთან დაკავშირებული პრობლემების გადაჭრის მიმართულებით. ჩვენ, არაერთი საადვოკაციო პროცესი მივმართეთ არსებული ნარკოპოლიტიკის წინააღმდეგ, გარკვეულ შედეგებს მივაღწიეთ, რაც პოზიტიურად აისახა ადამიანების ცხოვრებაზე. შესაბამისად,  GHRN და GeNPUD ი სხვადსხვა საადვოკაციო ინსტრუმენტებით და თანამშრომლობით დაინტერესებულ ორგანიზაციებთან , ყველა დონეზე  აგრძელებს ბრძოლას რეპრესიული ნარკოპოლიტიკის ჰუმანიზაციისთვის.

ამა წლის 26 ივნისს, კამპანიის ფარგლებში  GHRN და GeNPUD ის წევრი ორგანიზაციების ორგანიზებით, საქართველოს სხვადსხვა ქალაქში  დაიგეგმა ღონისძიებები.