ეფექტური და ჰუმანური ნარკოპოლიტიკის სახელმძღვანელო პრინციპები აღმოსავლეთ და ცენტრალურ ევროპასა და ცენტრალურ აზიაში
აღმოსავლეთ და ცენტრალური ევროპისა და ცენტრალური აზიის ნარკოპოლიტიკის კომისია (ECECACD) 2021 წლის ნოემბერში შეიქმნა მაღალი დონის ლიდერების ჯგუფის მიერ.
ECECACD მჭიდროდ თანამშრომლობს ნარკოტიკების პოლიტიკის გლობალურ კომისიასთან და მიზნად ისახავს რეგიონში ხელი შეუწყოს მტკიცებულებებზე დაფუძნებული ნარკოპოლიტიკის მიდგომებს და წარმართოს ამ საკითხებზე ღია დებატები. კომისია ყურადღებას ამახვილებს აღმოსავლეთ ევროპისა და ცენტრალური აზიის რეგიონის კონკრეტულ საჭიროებებზე და საკითხებზე.
კომისრები სხვადასხვა პროფესიული სფეროდან - ყოფილი სახელმწიფოს მეთაურები, პოლიტიკოსები, მეცნიერები, დიპლომატები და ფილანტროპები გაერთიანდნენ მეცნიერულ მტკიცებულებებზე, ადამიანის უფლებებზე, საზოგადოებრივ ჯანმრთელობასა და უსაფრთხოებაზე დაფუძნებული ნარკოტიკების პოლიტიკის ადვოკატირების გადაუდებელი აუცილებლობის გამო.
პრინციპები
- მტკიცებულებებზე დაფუძნებული ნარკოპოლიტიკა
- საზოგადოებრივ ჯანმრთელობის პრიორიტეტულობა
- ადამიანის უფლებების ხელშეწყობა ნარკოპოლიტიკაში
- ნარკოტიკების მოხმარებისა და შენახვის კრიმინალიზაციის გაუქმება
- ნარკოტიკებთან დაკავშირებული დანაშაულისთვის პატიმრობის სასჯელის შემცირება ან გაუქმება
- ნარკოდამოკიდებულების მტკიცებულებებზე დაფუძნებული მკურნალობის ხელმისაწვდომობის უზრუნველყოფა
- სამედიცინო მიზნებისთვის კონტროლირებადი ნივთიერებების ხელმისაწვდომობის უზრუნველყოფა
- სამოქალაქო საზოგადოებისა და მოწყვლადი ჯგუფების მონაწილეობის უზრუნველყოფა პოლიტიკის ფორმირებაში
საქმიანობის თერთმეტი პრიორიტეტული მიმართულება
1.სისხლისსამართლებრივი და ადმინისტრაციული სასჯელის ლიკვიდაცია ნარკოტიკების შენახვასა და გამოყენებაზე სხვებისთვის ზიანის მიყენების გარეშე.
2.მცირე ნარკოდანაშაულისთვის პატიმრობის ვადის შემცირება და პერსპექტივაში კი საბოლოოდ გაუქმება. პატიმრობის ალტერნატივის სწრაფად შექმნა.
3.მტკიცებულებებზე დაფუძნებული საზოგადოებრივი ჯანდაცვის პროგრამების დაფინანსების გაზრდა ნარკოტიკების მოხმარებისა და არასწორი ნარკოპოლიტიკის უარყოფითი შედეგების შესამცირებლად
4.ნარკოტიკების სფეროში ეროვნული კანონმდებლობისა და პოლიტიკის ადამიანის უფლებებთან შესაბამისობის დამოუკიდებელი ანალიზის ჩატარება (ომბუდსმენის ეგიდით).
5.ჯანმრთელობის მსოფლიო ორგანიზაციის ხელმძღვანელობით ჩატარდეს ნარკომანიის სახელმწიფო პროგრამის და მისი დაფინანსების ანალიზი, ნარკოდამოკიდებულების მქონე ადამიანებისთვის მაღალი ხარისხის სერვისებზე ხელმისაწვდომობის გასაუმჯობესებლად.
6.ჯანდაცვის, სოციალურ და სამართალდამცავ პროგრამებში ეროვნული დანახარჯების კრიტიკული ანალიზის ჩატარება არალეგალურ ნარკოტიკებთან მიმართებაში; ასევე ნარკოპოლიტიკის ეფექტურობის (მათ შორის ეკონომიკური) არსებული კრიტერიუმების გაანალიზება.
7.კონტროლირებადი პრეპარატებისადმი ხელმისაწვდომობის შესახებ საზოგადოებრივი და საპარლამენტო დებატების ინიცირება. შესაბამისი ზომების მიღება ოპიოიდური ტკივილის გამაყუჩებელ მედიკამენტებზე სათანადო და თანასწორუფლებიანი ხელმისაწვდომობის უზრუნველსაყოფად.
8.ნარკოტიკების მომხმარებელთა რეესტრების გაუქმება, ნორმატიული – სამართლებრივი აქტების გაუქმება, რომლებიც ითვალისწინებს იძულებით მკურნალობას, და სოციალური მომსახურების ხელმისაწვდომობაზე არსებულ ბარიერებს ნარკოტიკების მომხმარებელთათვის.
9.ნარკოტიკების მოხმარებასთან დაკავშირებულ ეროვნულ სტრატეგიებში ნარკოტიკების შესახებ სტიგმის, დისკრიმინაციის და მცდარი წარმოდგენების შემცირების ღონისძიებების ჩართვა.
10. გააძლიეროს სამოქალაქო საზოგადოება და მისცეს შესაძლებლობა წარმოადგინოს ნარკოტიკების სფეროში სტრატეგიისა და ნარკოპოლიტიკის რეფორმის დაგეგმვის საკუთარი ხედვა.
11. მუდმივი და მოქნილი მონიტორინგის სისტემის დანერგვა, რათა ადაპტირებული იყოს პოლიტიკური პასუხი ეროვნული ნარკოსცენის დინამიურ ცვლილებაზე.
ECECACD-მა შეიმუშავა სამი ანგარიში:
- არალეგალური ნარკოტიკების წარმოება, ვაჭრობა და მოხმარება EECA-ს რეგიონში
- ნარკოტიკების შესახებ კანონები და პოლიტიკა ევრაზიის ოთხ რეგიონში
- ნარკოტიკების აღქმა ცენტრალურ და აღმოსავლეთ ევროპასა და ცენტრალურ აზიაში: საჭიროებს გადახედვას
ეს ანგარიშები იძლევა ყოვლისმომცველ ინფორმაციას რეგიონში ნარკოტიკების წარმოების, ტრეფიკინგისა და მოხმარების ამჟამინდელი მოდელების შესახებ, რეგიონში გაბატონებული ნარკოპოლიტიკის მიდგომებისა და მათი შედეგების , ნარკოტიკებისა და ნარკოტიკების მოხმარების, საჯარო ნარატივების შესახებ. ანგარიშები ასევე შეიცავს რეკომენდაციებს შესაბამის საკითხთან დაკავშირებით, რომელთა განხორციელებაც რეგიონის მთავრობებს შეუძლიათ.
თავის საქმიანობაში ECECACD ეფუძნება და ითანამშრომლებს მსგავს ჯგუფებთან, მათ შორის ნარკოტიკების პოლიტიკის გლობალურ კომისიასა და დასავლეთ აფრიკის ნარკოტიკების კომისიას. ECECACD ასევე მუშაობს რეგიონის ექსპერტთა და პარტნიორთა ფართო ქსელთან.
