საქართველოში Stigma Index-ის კვლევა მიმდინარეობას

საქართველოში Stigma Index-ის კვლევის ფარგლებში  18-20 სექტემბერს  ზიანის შემცირების საქართველოს ქსელის ოფისში  სამდღიანი სამუშაო შეხვედრა გაიმართა.  შეხვედრის მიზანი იყო ქვეყანაში სტიგმის ინდექსის კვლევის მონაცემების წინასწარ დადგენა და ადვოკატირების გეგმის შემუშავება, რომელიც  მომავალში  ხელს შეუწყობს აივ დადებითი ადამიანების  მიმართ არსებული  სტიგმისა და დისკრიმინაციის შემცირებას  და  მათი ცხოვრების ხარისხის გაუმჯობესებას.

შეხვედრას უძღვებოდნენ-  ლიუბოვ ვორონცოვა, ევრაზიის  შიდსის ქალთა ქსელიდან, რომელმაც კონსულტაცია გაუწია  Stigma Index-ის კვლევას განხორციელების დროს, მაკა გოგია, სტიგმის ინდექსის კვლევის რეგიონალური კოორდინატორი და თამარ ზურაშვილი, მთავარი მკვლევარი.

კვლევა ეფუძნებოდა PLHIV Stigma Index 2.0 სტანდარტიზებულ მეთოდოლოგიას და ითვალისწინებდა ქვეყნის კონტექსტს და არსებულ რესურსებს. PLHIV Stigma Index-ის კვლევა შემუშავებულია და ახორციელებს სათემო ორგანიზაცია -„რეალური ხალხი, რეალური ხედვა“ „Real People Real Vision“.