ალმატიში აივ. ინფექცია/შიდსის, ვირუსული ჰეპატიტისა და ტუბერკულოზის მკურნალობისა და დიაგნოსტიკის ხელმისაწვდომობის გაფართოების შესახებ შეხვედრა

27 -29 სექტემბერს ყაზახეთის ქალაქ ალმატიში   ევრაზიული საზოგადოების (ECAT) შეხვედრა გაიმართა, რომელიც  მიზანად ისახავს  აივ. ინფექცია/შიდსის, ვირუსული ჰეპატიტისა და ტუბერკულოზის მკურნალობასა და დიაგნოსტიკაზე ხელმისაწვდომობის გაზრდას. ღონისძიება ორგანიზებული იყო აღმოსავლეთ ევროპისა და ცენტრალური აზიის საერთაშორისო კოალიციის (ITPC EECA) მიერ ჯანმრთელობის უფლებების კოალიციის (HAC) მხარდაჭერით.

შეხვედრა  გაიმართა  ITPC Global-ის ფინანსური მხარდაჭერით, ,,100% Life“  Foundation-ისა და ალიანსის საზოგადოებრივი ჯანდაცვის თანადაფინანსებით, პროექტის SOS_2.0-ის ფარგლებში.

შეხვედრას ესწრებოდნენ არასამთავრობო ორგანიზაციებისა და სამოქალაქო სექტორის წარმომადგენლები EECA-ს რეგიონის შემდეგი ქვეყნებიდან: სომხეთი, ბელორუსია, საქართველო, ყაზახეთი, ყირგიზეთი, მოლდოვა, ტაჯიკეთი, უკრაინა და უზბეკეთი.

მონაწილეები  ფარმაცევტულ კომპანიების ViiV Healthcare-სა და Viatris-ს (Mylan) წარმომადგენლებს შეხვდნენ, ასევე დიაგნოსტიკური ტესტების მწარმოებლებს Cepheid-სა და Molbio-ს. შეხვედრებზე  შემდეგი საკითხები იყო განხილული: წამლების რეგისტრაციის , წამლებისა და ტესტების ფასების პოლიტიკა ,  EECA რეგიონში ინოვაციური წამლების ბაზარზე შესვლა და სხვა.  ღონისძიება  მოიცავდა ასევე  ტრენინგს სადიაგნოსტიკო ინსტრუმენტებზე, რომელსაც უძღვებოდა  ,, ექიმები საზღვრებს გარეშე“ წარმომადგენელი. 

ფარმაცევტულ კომპანიებთან შეხვედრების ოქმები მოგვიანებით გამოქვეყნდება ვებგვერდზე httpswww.eeca-cat.info