მანდალა - ზიანის შემცირების სერვისები

მანდალა ახალგაზრდა არასამთავრობო ორგანიზაციაა, რომელიც 2018 წელს თემის გაერთიანების შედეგად დაარსდა. 

მანდალა აერთიანებს ნარკოტიკების მოხმარების გამოცდილების მქონე ადამიანებს, რომელთა მიზანია, შეცვალონ მომხმარებელი ადამიანების ყოველდღიურობა ზიანის შემცირების სერვისების განვითარების, სტიგმის დაძლევისა და სადამსჯელო ნარკოპოლიტიკის ცვლილების გზით. 

მანდალას ამოცანა ნარკოტიკების მოხმარებით გამოწვეული რისკების შემცირება, მომხმარებლებისთვის ობიექტური და მტკიცებულებებზე დაფუძნებული ინფორმაციის მიწოდება და ზიანის შესამცირებლად საჭირო მასალებით ურზრუნველყოფაა. ასევე იმ მავნე პრაქტიკების, რეგულაციებისა და კანონების ცვლილება, რომლებიც ხელს უშლის ნარკოტიკების მომხმარებელ ადამიანებს სრულფასოვანი ცხოვრებისთვის

 ,,მანდალას მიზანია, ყველას და განსაკუთრებით ახალგაზრდებს მივაწოდოთ ობიექტური ინფორმაცია ჯანმრთელობის, ნარკოტიკების მოხმარებისა და პირადი უსაფრთხოების შესახებ და მივცეთ მათ საშუალება, გააკეთონ ინფორმირებული არჩევანი“. თემო ხატიაშვილი, სათემო ორგანიზაცია „მანდალას“ ხელმძღვანელი.

„მანდალას“ მოხალისეები საფესტივალო და საკლუბო გარემოში სხვადასხვა სახის ზიანის შემცირების სერვისს აწვდიან მომხმარებლებს. ავრცელებენ საინფორმაციო მასალებს:

• ნარკოტიკული ნივთიერებების ეფექტებზე;

• პოტენციურ ზიანზე;

• ზედოზირებასა და უსაფრთხოების უნივერსალურ წესებზე.

ორგანიზაციის  სერვისი ასევე მოიცავს:

• უსაფრთხო, მეგობრულ სივრცეს საუბრისა და კონსულტირებისთვის;

• უფასო წყლით უზრუნველყოფას;

• უსაფრთხო სექსისთვის საჭირო მასალების გავრცელებას.
 

საქართველოში ნარკოტესტერებს ორგანიზაცია „მანდალა“ უფასოდ არიგებს. ე.წ. ნარკოტესტერები, ნარკოტიკის მოხმარებით გამოწვეული ზიანის შემცირებას ემსახურება და ეხმარება ადამიანებს, თავი აარიდონ უცნობი ან საფრთხისშემცველი ნარკოტიკული საშუალებების მოხმარებას. მსურველებს მისი ინტერნეტით გამოწერაც შეუძლიათ.

ინფორმაციისთვის დაუკავშირდი

სატივის ქუჩა #10 (მანდალას ოფისი)

593 57 37 12